Lajme

Facebook po bllokon llogaritë e talebanëve në WhatsApp

Facebook ka thënë të martën se po bllokonte llogaritë e WhatsApp të lidhura me talebanët pasi grupi radikal islamik mori kontrollin e Afganistanit dhe kërkoi të përdorte shërbimin e mesazheve për ta ndihmuar atë në qeverisje.

“Talebanët janë të sanksionuar si një organizatë terroriste sipas ligjit amerikan dhe ne i kemi ndaluar ata nga shërbimet tona sipas politikave tona të Organizatës së Rrezikshme”, ka thënë një nga zëdhënësit e Facebook-ut për AFP.

Sipas Financial Times lëvizja në Facebook ka mbyllur një linjë telefonike WhatsApp që talebanët kishin krijuar për të marrë ankesa për dhunën dhe plaçkitjen.

Një zëdhënës i WhatsApp ka thënë në një email për AFP se kompanisë i kërkohet të ndjekë sanksionet amerikane.

“Kjo përfshin ndalimin e llogarive që duket se përfaqësojnë veten si llogari zyrtare të talebanëve. Ne po kërkojmë më shumë informacion nga autoritetet përkatëse amerikane duke pasur parasysh situatën në zhvillim në Afganistan”, ka thënë kompania.

Tutje ata kaë thënë se kjo do të thotë që të heqin llogaritë e mbajtura nga ose në emër të talebanëve dhe ndalojnë lavdërimin, mbështetjen dhe përfaqësimin e tyre.

Lajmi vjen me platformat e mediave sociale që përballen me presion për të bllokuar llogaritë e përdorura nga talebanët që nga ofensiva e cila çoi në marrjen nën kontroll të vendit të shkatërruar nga lufta.

Facebook ka thënë se po përdorte një ekip të përkushtuar ekspertësh afganë, të cilët janë folës vendas të Dari dhe Pashtos dhe kanë njohuri për kontekstin lokal, për të ndihmuar në drejtimin e politikave.

“Ekipet tona po monitorojnë nga afër këtë situatë ndërsa ajo evoluon. Facebook nuk merr vendime për qeverinë e njohur në ndonjë vend të veçantë, por përkundrazi respekton autoritetin e bashkësisë ndërkombëtare në marrjen e këtyre përcaktimeve”, kanë thënë ata.

Ndërkohë një zëdhënës i talebanëve ka kritikuar Facebook për bllokimin e “lirisë së fjalës” në vend si rezultat i goditjes nga firma amerikane.

Në një konferencë shtypi të transmetuar në internet, zyrtari taleban iu përgjigj një pyetjeje në lidhje me lirinë e shprehjes duke thënë se pyetja duhet t’u bëhet atyre njerëzve që po pretendojnë të jenë promovues të lirisë së fjalës që nuk lejojnë publikimin e të gjitha informacioneve, kompanisë Facebook.

Të ngjashme